Bazali bam, Tata noMama; <br />Ndithi xa ndicinga ngani <br />Ndiphelelwe ngamazwi. <br /> <br />Indlela enindikhulise ngayo <br />Nengqeqesho enindinike yona <br />Andisoze ndiyilibale. <br /> <br />Ndinibulele kuqala xa nithe <br />Anadinwa kukundixhasa <br />Ndade ndakwi-19 yeminyaka. <br /> <br />Ndinibulela ngemithandazo ebendiyazi <br />Ukuba nisoloko nindibeka kuyo <br />Xa bendingafumani msebenzi. <br /> <br />Kudala ndicinga ukuba <br />Ndingathi ze nazi ukuba <br />Ndiyanithanda, kwaye ndiyanibulela. <br /> <br />Le leta ndiyibhala <br />Ndibuhlungu kuba <br />Ebomini andikanenzeli nto. <br /> <br />Tata noMama ndiyambulela <br />UThixo Ngokundinika <br />Abazali abanje ngani. <br /> <br />Kukho abantwana abangakhulanga <br />Nje ngam, yaye ndisoloko ndimcela <br />UThixo anolulele imihla, nife ndiphangela. <br /> <br />Ndike ndicinge ukushiya iKapa <br />Ndincedise nina endlini, ntonje <br />Abukho ubom ngaphandle komsebenzi. <br /> <br />Nimxelele no-Bra Mol ukuba <br />Ndiyambulela yaye <br />Ndiyamkhumbula. Nihlale kakuhle. <br /> <br />Tata, sonke usikhulisile; sobalithoba <br />Hlala phantsi ke ngoku Ngwanya <br />Uzonwabele iimali zakho. <br /> <br />UThixo ukuphile ubom <br />Sukuba sazikhathaza <br />Ngomsebenzi ngoku. <br /> <br />Onithandayo ngenene: <br /> <br />T.M Mdudu<br /><br />Nkululeko Mdudu<br /><br />http://www.poemhunter.com/poem/bazali-bam-2/
